أهلاً بيك عالقهوة

 

شوية مصطلحات للشباب إلي بيبدء حياته وبيفكر يقعد على القهوة ويتأقلم مع المجتمع الجديد ده و البنات اللي نفسها تكتشف العالم ده

تنقسم القهوة إلي جزئين رئيسين

 النصبة " المكان إلي بيتعمل فيه المشاريب "  و الأرضيه " المكان إلي أنت بتعد فيه " 

مصطلحات القهوة 

أولاً المشاريب

جنيني: شاي بالنعناع

جنيني على الأبيض: شاي بالنعناع على مية بيضه" طريقه لتقديم الشاي بيكون لونه أبيض عند التقديم و مع التقليب ياخد لون الشاي الطبيعي"

شاي بحليب: شاي بلبن

ليبتون :شاي فتلة أي ماركة

منه فيه : أي مشروب يكون لبن صافي من غير مياه

قهوة سرياقوس: قهوة بسكر زيادة أوي

قهوة مانو: قهوة ما بين المظبوط و الزيادة

قهوة سكتو: قهوة ما بين السادة و المظبوط 

قهوة فرنساوي: قهوة بلبن

عناب: كركديه

كوكتيل عيادة: ينسون مع ليمون 

حلبه حليب: حلبه حب باللبن

حلبة حصة: حلبة حب 

ثانياً الشيشة

أنواع المعسلات 

زغلول: هو أخف أنواع المعسلات

سلوم : هو الأكثر رواجا 

قص: هو الأصعب و مينفعش تبدء بيه

فواكه : تفاح و خوخ " مينفعش تسأل في القهوة على أنواع تانية هيتأل عليك فرفور "

مكونات الشيشة 

شربوش: هو غطاء الحجر 

ولعه: فحم 

قلب: الجزء الستانليس ستيل في الشيشة 

فارغة: الجزء الزجاجي من الشيشة 

ماشه: ماسك الفحم 

لي: هو الجزء إلي بتمسكه بإيدك من الشيشة 

المبسم : هو الجزء إلي بتشد منه 

المصطلاحات ده كلها مجرد بدايه ،ممكن تختلف من مكان لتاني ولكن هذه أكثرها شيوعاً

أهلاً بيك يا معلم